في المسالخ الحديثة يضعون الغنم بأعداد كبيرة على آلات متطوِّرة ، ثم يصعقونها بالكهرباء - ولا تموت - حتى لا تتحرَّك ، ثم تسير بها الآلة إلى وضعية معيَّنة ، ثم تنزل على رقابها السكين فتذبحها ؛ ما حكم هذه الذبائح ؟
A-
A=
A+
السائل : بالنسبة للذبح الجماعي - مثلًا - ألف خروف في وقت واحد ، بتسمية واحدة ؟!
الشيخ : كيف بوقت واحد ، كيف بتصير ؟
السائل : يعني بيدخل بطريقة معيَّنة الخرفان ألف خروف ، حاطط رأسه على طريقة معيَّنة ، بينزل سيف بيقطع رؤوسهم بوقت واحد ؟!
سائل آخر : هدول شيخنا زي اللدعة الكهربائية ، هذه زي اللي بيستخدموها الآن في المسالخ الحديثة ، يضعوا - مثلًا - ألف خروف بتنزل عليه زي اللدعة الكهربائية الواحدة زي اللي بيتخدر الخروف ، بينزل هو على المسلخ كلهم الألف خروف ينشروهم نشرة واحدة شيخ !
الشيخ : أنا أحببت أن أعرف هذه الصورة ، أنا هَيْ ما سمعت فيها كيف بينزل فيها ؟
السائل : موجود ، يضعون ألف أو مئة مرة واحدة يذبحونها ، مش كل واحدة ... يعني ينزل زي المنشار سكينة كبيرة ؟
سائل آخر : الماكينات !
سائل آخر : سكينة كبيرة تذبح ألف خروف في ثانية واحدة ، مش كل واحد يقول : بسم الله عليه ، وكان سؤال السَّائل بالأمس سألني عن هذه وهذه .
الشيخ : بدي أفهم الصورة .
السائل : شيخ ، أنا دخلت مسلخ هنا في عمان !
الشيخ : طوِّل بالك ، الألف ذبيحة كيف يعني محطوطين بعضها فوق بعض ؟
السائل : لا لا ، على قشاط ، في قشاط بتتحرَّك ، بيصعقوهم بالكهرباء كما قال الأخ فبتبطل تتحرَّك ، لكن ما ماتت ، فلما بتبطل تتحرَّك بتنام بطريقة معيَّنة بتصير كل رؤوسهم على هذا القشاط ، بينزل من فوق زي منشار الخشب هيك بينزل من فوق ولَّا هو ذابح الألف بثانية واحدة ! هم نايمين جنب بعض ، والسيف أو السكينة بتنزل عليهم كلهم مرة واحدة ، يعني هيك زي الأصابع يا شيخنا ، هيك زي الأصابع بتنزل كدا هيك بيذبحوها .
الشيخ : إي ، أنا فهمت هذا ، بس أنا كنت عم أتصوَّر من كلامك غير التسلسل ، هذا مثل الشناتي تبع المطار .
السائل : أيوا .
الشيخ : هذا اللي عم تحكيه ، ثم في مبالغة فيما قيل يعني أنُّو بدقيقة أو ثانية ، في مبالغة يعني ، لكن المهم مو هون ، المهم أنُّو هل يجوز هذا شرعًا ؟ طبعًا إذا كان الذبح يقع في كلها في محل الذبح هذا أوَّلًا ، ويسمَّى في كل واحدة منها ، وكان الذابح مسلمًا ؛ فهذا جائز ، وإلا يكون ذبح ولم يُذكر اسم الله عليها .
السائل : الله يجزيك الخير .
الشيخ : كيف بوقت واحد ، كيف بتصير ؟
السائل : يعني بيدخل بطريقة معيَّنة الخرفان ألف خروف ، حاطط رأسه على طريقة معيَّنة ، بينزل سيف بيقطع رؤوسهم بوقت واحد ؟!
سائل آخر : هدول شيخنا زي اللدعة الكهربائية ، هذه زي اللي بيستخدموها الآن في المسالخ الحديثة ، يضعوا - مثلًا - ألف خروف بتنزل عليه زي اللدعة الكهربائية الواحدة زي اللي بيتخدر الخروف ، بينزل هو على المسلخ كلهم الألف خروف ينشروهم نشرة واحدة شيخ !
الشيخ : أنا أحببت أن أعرف هذه الصورة ، أنا هَيْ ما سمعت فيها كيف بينزل فيها ؟
السائل : موجود ، يضعون ألف أو مئة مرة واحدة يذبحونها ، مش كل واحدة ... يعني ينزل زي المنشار سكينة كبيرة ؟
سائل آخر : الماكينات !
سائل آخر : سكينة كبيرة تذبح ألف خروف في ثانية واحدة ، مش كل واحد يقول : بسم الله عليه ، وكان سؤال السَّائل بالأمس سألني عن هذه وهذه .
الشيخ : بدي أفهم الصورة .
السائل : شيخ ، أنا دخلت مسلخ هنا في عمان !
الشيخ : طوِّل بالك ، الألف ذبيحة كيف يعني محطوطين بعضها فوق بعض ؟
السائل : لا لا ، على قشاط ، في قشاط بتتحرَّك ، بيصعقوهم بالكهرباء كما قال الأخ فبتبطل تتحرَّك ، لكن ما ماتت ، فلما بتبطل تتحرَّك بتنام بطريقة معيَّنة بتصير كل رؤوسهم على هذا القشاط ، بينزل من فوق زي منشار الخشب هيك بينزل من فوق ولَّا هو ذابح الألف بثانية واحدة ! هم نايمين جنب بعض ، والسيف أو السكينة بتنزل عليهم كلهم مرة واحدة ، يعني هيك زي الأصابع يا شيخنا ، هيك زي الأصابع بتنزل كدا هيك بيذبحوها .
الشيخ : إي ، أنا فهمت هذا ، بس أنا كنت عم أتصوَّر من كلامك غير التسلسل ، هذا مثل الشناتي تبع المطار .
السائل : أيوا .
الشيخ : هذا اللي عم تحكيه ، ثم في مبالغة فيما قيل يعني أنُّو بدقيقة أو ثانية ، في مبالغة يعني ، لكن المهم مو هون ، المهم أنُّو هل يجوز هذا شرعًا ؟ طبعًا إذا كان الذبح يقع في كلها في محل الذبح هذا أوَّلًا ، ويسمَّى في كل واحدة منها ، وكان الذابح مسلمًا ؛ فهذا جائز ، وإلا يكون ذبح ولم يُذكر اسم الله عليها .
السائل : الله يجزيك الخير .
- تسجيلات متفرقة - شريط : 311
- توقيت الفهرسة : 00:40:31
- نسخة مدققة إملائيًّا